Od posljedica saobraćajne nesreće koja se nedavno dogodila na magistralnom putu Rožaje- Bać život je izgubila i črtvrta osoba za čiji su se život ljekari borili nekoliko dana.
Na lice mjesta stradala su tri mladića.
– Tinejdžeri su se kobne večeri sreli u jednom kafiću u Rožajama i sjeli su zajedno da popiju piće, smijali su se i družili. U jednom trenutku krenuli su kući u selo pored Rožaja i sjeli u Audi smrti. Međutim, kada su bili u blizini svojih domova, jedan od poginulih dobio je navodno poziv od majke koja ga je zamolila da se vrati do grada kako bi joj kupio neke namirnice – kaže za Kurir mještanin Rožaja i dodaje da su se mladići zatim vratili do grada.
– Mladići su odlučili da se vrate ka marketu i poginuli A. M. je navodno, kako se sumnja prilikom neprilagođene brzine izgubio kontrolu nad vozilom i sletjeli su u rijeku Ibar.
Poznanici su ranije ispričali da su mladići bili izuzetno vrijedni, pošteni i da je sudbina učinila svoje.
– Dvije kuće su zavijene u crno, velika tuga se nadvila nad Rožajama, i teško će ovo njihove porodice preživjeti – rekao je tada sagovornik.
F.D. je, kao i S.M. su sinovi jedinci i najviše su vremena provodili sa svojim amidžićima, sa kojima su i poginuli.
Izvor: RTV Rožaje
